U Paul Lyngdoh uwa da yoh wow man kam u Montri sorkar hapoh ka MDA-II, hawa yaklam wa kiwa thoh khubor hadien wa da pyndep yei pynsmai, da ong u wa ini wa yoh u wow man biang kam u Montri sorkar toh i wai luti u Blai.
Da ong u leh wa em boon ki kaam wa daw hap u leh deiwa yooluti wa kiwa yahkhmat daw man ki kiwa rap khroo baar ya ki kaam wa eh wa daw hap maad. Hawa kylli won lada daw ksoh u kam u Montri waroh san snem, da ong u wym tip wei u chim u yei kreh chi sngi chisien.
Heiyatoh won wym bien de ka UDP wow pyrchang u chna sorkar, u Paul da ong u wa hadien wa ka seiñ ri-loom kawa da klam yow yoh ya ka Khasi-Jaiñtia State da wiar ko na ka yalang yow chna sorkar, da sñiawthooh wym dap bru de wow chna sorkar.
“I pynyieñ i 46 ngut ki kyrtong wei pynjop ki paidbah 11 ngut, tangwa kattæ won da ong ki ileh wym man CM da phi, phi ya jubab hi,” da ong u Paul Lyngdoh.
Hawa kylli wa lada ini toh i dooh nong ka jaitbru, da ong u chong ha ki paidbah wow pait kattu.
