Pynyinsur ka HC yei por wa ye u chongdai madan ha Police Bazar

Ka mukotduma PIL wa da yaleh da ka seiñ kiwa chongdai madan wa tip kam ka Meghalaya & Greater Shillong Progressive Hawkers & Street Vendors Association da chong bichaar biang ka ynne da u Justice I.P. Mukerji, Chief Justice wa u Justice W. Diengdoh, Judge.

Neiliang ka seiñ kiwa chongdai madan da yasaaid ko yei por wa da e da ka High Court ini wadep deiwa ong wa ini da ktah ko ya kitu kiwa da em License wow chongdai ha Police Bazar kat hadooh wa ye wow kyrriah ki chei thaw chongdai wa da booh.

ADVERTISEMENT

I por wa da e ini wadep toh nadooh 12:30 pyrdi sngi hadooh 2:00 waje i sngi wa nadooh 7:30 i miet hadooh 9:00 waje i miet.

U muktiar kiwa chongdai da ong u wa chimpor wow pynkhreh ya ki mar wow dai wei kamjooh wow pynlang pynlum du ha ini por iwa da pynduna leh yei por wa ye ki u chongdai.

Related posts

Pynche ka JHADC wa thung hi ko ya u Sevenborn Tang kam u Agent wow pynlai ya ki Forest Revenue Station

July 16, 2025

Noh ka kynthai ya i khon wa dang dep kha napoh ka Bus wa dang lai

July 16, 2025

Neiliang won u Advocate General da ong u wa da em ki kattu katni ki bru kiwa da em ka yong ki hi ka thong samen wa da pynchlur wow yaleh ya kani ka mukotduma neibhah ka sorkar dadep ko wow leh yeiwa emkaam yow ye noh u kyrriah ya kiwa chongdai hadooh ka 22 tarik uni u bnai heiwa da pynyoo u leh yei pynbna sorkar wa kamjooh ki thaw wa da booh neibynta kiwa chongdai wa em le tylli kiwa hakhmat ka MUDA Complex, ka MUDA Parking Lot wa ka First Floor ka Shillong Municipal Board Parking Lot wa em mar pyrchah ka State Bank of India.

Hadien wa da ap da sñiaw yeini waroh, neiliang ka High Court da pynkylla ko ya ka hukum wa da pynmih ha ka 3 tarik uni u bnai deiwa e por ya kiwa chongdai wow pynkhreh wei pynlang ya ki mar ki heiwa da pynyinsur yei por deiwa pyntam da chiteiñ kynta wa 15 minit iwa mut wa u chah wow sdang ki wow pynkhreh u chongdai nadooh 12:00 waje pyrdi sngi wei wow pynlang pynlum ki nadooh 2:00 waje hadooh 2:15 i sngi. Heipor miet leh ye ki wow sdang u pynkhreh nadooh 7:00 waje i miet wei wow pyndep u pynlang pynlum hadooh 9:15 i miet.

Yeini da phah wow leh deiwa pait ki bor sorkar wa u Special Officer wei ha kini ki kynta da phah ya ka chnat pynlai kari wow booh ki deiwa biang ki pulit yow pait yei lai i wan ki kari.