Hadien wa yap boon boon tylli ki syiar yong u Vesper Lamare nai daw yong ka umjakhlia kawa tooid na Khliehriat CHC cha i thaw ri syiar wa em ha wah ka CHC.
Neiliang ka EJNC-Khliehriat West Unit, da dawa ko na kiwa pynlai yong ka CHC wei kamjooh na u DMHO ka East Jaiñtia Hills District wa toh u lai pait ki ya katai ka thaw wei wow em i bahkhlieh yei bai lutsan u tre syiar.
Ka seiñ da pyntip ko wa ha ini i booddien hanla ka yung krehkaam yong u DMHO wa kiwa pynlai yong ka CHC ym em chimkhia ki yei dawa yong ka EJNC-KWU, tangwa neiliang ka seiñ da lai yachem won ko wa u DC haka 09-02-2021 wei da kyntu ya u Deputy Commissioner ka East Jaiñtia Hills District, u E. Kharmalki wow tuklar lang hajrong ini i jia wei lyngba i chimkhia yong u DC, haka 6 tarik uni u bnai, u Vesper Lamare da yoh u yei hok yong oo khamtam yaka bai lutsan kawa da dooh lyngba i yap yong ki syiar yong oo.
Ka EJNC-KWU hajrong kani ka yurim, da i mynsien sñiawngooh, da e khublei kyrpang ko ya u DC hajrong i chimkhia u wow pynyoh yaka bai lutsan yong u Lamare kamwa T. 1 lak kamwa da dawa daka EJNC-KWU.
