U kyrtong samen wow yakhun MP cha ka Lok Sabha na Shillong Parliamentary Constituency, u Prof. Lakhon Kma da ong u wa ha i synchaar ka BJP, ka riti synchaar ka ri da em ko hei chongsyier.
U Prof. Lakhon da wan u wow thap pyrtuid ya idæ ynne ka sngi wow yakhun MP kam u kyrtong samen.
Hawa klam wa kiwa thoh khubor, da ong u wa ymphær wot lada hap u wow e dei mynsien leh wow yakhun neibynta wow yada yei man laitlooid i mane niam ha ka ri India.
Hawa yatoh wa i pynemkaam ya i ktien ‘Jaitbru’, u Prof. Lakhon da ong u wa ini i ktien toh iwa da jooh pynemkaam bakla da ki Politician wei da kynmoo ki ya ka jaitbru du heipor Election.
Da ong u wa manda ong jaitbru ini mut lada ki paradoh parasnaam thngan, uwa em ka spah i mynsien toh u e baam ya ki, toh u wanrah ya ki skur kiwa bha ha ki thaw wa jngai na sor, ki laad sumaar wa bha wa ki surok wa bha.
Kamtæ da kylli u ya kiwa pynemkaam yei ktien jaitbru wow pynyoo kammon itæ maya jaitbru ki.
Discussion about this post