Hadien wa ini wa dep da poor i Video wa pynyoo u YouTuber na Bangladesh ya ki luti wow psiah tooh chapoh India heiwa uni ym em psiah u, katni da poor won sa iwi i Video wa psiah ki YouTuber chapoh India lyngba ka jylla Meghalaya.
Da ong wa ini i Video toh iwa la 3-4 snem yeiwa da Delete na YouTube Channel, da booh won ya ini i Video ha kiwi won ki rynsan (ha u X) heiwa da pynyoo ya ka luti wa lai ki kamjooh da yaroh u yei miat ka jylla.
Ya ini i Video da riñ da u lok u YouTuber uwa synraan ya oo heiwa da psiah ki cha Meghalaya na iwi i thlu wa em hatre ki naar-chieh.
Da ong u leh wa ym neh slem ki hapoh jylla wei u liwan smat ki neibhah ym chngaaiñ ya ki u liwan dei janmiet heiwa da lai ki cha kawi ka manyung ha jylla wei da klam ki dei Bangla neibhah kini ki manyung ha khappood leh pliah ki wow klam ini i ktien.
Hawa pait yei long i man i thaw wa psiah ki da yoo kamwa ha Garo Hills.
Katkam wa man katni da em palat chi lak ngut wa da pait ya ini i Video wei da comment leh da ki 200 ngut ha ini i Video.
Neiliang kiwa Comment da beiñ ki ya ka sorkar India ka wym chimkhia yeini i psiah tooh ki nong Bangladesh cha India.
Discussion about this post