Ha ka yalang yalap Election u kyrtong ka NPP, u Ailad Bhoi na ka 5-Mukhla Ummulong Constituency kawa da pynman ha ka janmiet ka 13 tarik ha Community Hall ka chnong Ummulong, da wan wow sakhilang da ki khon ka chnong Ummulong wa kamjooh na kiwi tawon ki 6 chnong kiwa haap hapoh kani ka Constituency.
Ha kani ka sngi chwa u sdang da yoh i duwai na u Assistant Waheh Chnong ka chnong Mupliang wei hadien wa da yoh ya ki kyntien pdiang burom na u waheh chnong ka chnong Ummulong.
Ha kani ka yalang da yoh leh yei klam na u Singh Shullai na Niriang, u Airforce Suna, u waheh chnong ka Mukhla Shohshrieh, u Pyrkhat Sana waheh chnong Mupliang, u Ailad Suting, Organising Secretary NPP West Jaiñtia Hills, u Ebormi Lyngdoh, District Youth President NPP West Jaiñtia Hills District, u waheh chnong ka Mookawan wa kiwi tawon ki waheh.
Neiliang u Ailad Bhoi da pynsñiaw u yei kmen wa ka chnong Ummulong da pynyatoh ya ka chirup wa ka chnong Mukhla, wei da kyrpaad u ya ki khon ka chnong Ummulong wow e ki yei kyrchaan wa pura ya oo khnang yow yoh u yei jop wei manda jop u kam u MDC ka Mukhla Ummulong Constituency daw sdang won u e yei chakri ya ki khon ka chnong Ummulong ha ki kaam pynroi ha waroh ki liang.
Ha kani ka yalang kiwa kyrchaan ya u Ailad Bhoi da tooid ki hadooh wa dap smam ka Dorbar Hall ka chnong Ummulong, ha ryngkat wa i chaad i kmen hadien wa da wai ka yalang Election.
Discussion about this post