Uwa yahkhmat ka BJP, u Priyangu Pandey ynne da pynbaad u wa kiwa kreh ka TMC da siat wei da kawang Bomb ki ya ka kari u ha West Bengal ha North 24 Parganas District.
Ini da jia i heipor wa pynman ya ka Bangla Bandh wa 12 kynta ynne ka sngi wei heini i por u Pandey lai luti u ha ka thaaiñ Bhatpara yow lai cha yung u Arjun Singh wei da khana u wa da yoo wa em ki bru wa kah ya ka luti wei manda sangeh ka kari u da em kamwa 50-60 ngut ki bru kiwa da pait cha ka kari u wei da chah kawang 7-8 tylli ki Bomb ka kari wei da siat leh 6-7 kuli ya ka kari u.
Da pynbaad u leh wa ini toh deiwa ya krehlang ka Trinamool Congress deilang wa ki pulit.
Uwa yah kari u da mynsoo u na ini i chah siat wei da lai booh ya oo cha Bhatpara State General Hospital.
Kani ka Bangla Bandh toh kawa khut pynman da ka BJP hi nadooh 6:00 waje i step hadooh 6:00 waje i janmiet hadien wa chah dat lathi wei siat um ki pulit ya ki paidbah wa pynman yakhih (Nabanna Abhijan) ynnin ka sngi yow daw hiar chuki ka Mamata Banerjee hajrong iwa jia wa chah tynyap wei chah slaitbor ka Doctor ha KG Kar Medical College & Hospital iwa da jia ha ka 9 tarik uni u bnai.
Discussion about this post