Ka Jaiñtia Students’ Union-Central Body ynne ka sngi hapoh i yahkhmat u General Secretary, u Neilkee Mukhim da yahem ki wa ka ADC ka West Jaiñtia Hills District hajrong i chah maham ki para jaitbru ha ka Karbi Student Association (KSA) deiwa khang ki u chimbynta ha kani ka Election MDC cha ka JHADC deiwa kam wa kini ki chnong dang haap ki chapoh ka jylla Assam.
Ka JSU Central Body da pyrchah joor ko leh ya ka KSA deiwa ong waroh chi kattu da suki hi-eh i wei kani toh ka sien wa khaddooh wa lada jia iyi iyi neini chakhmat ya ki bru yong i ha ki thaaiñ khappood, ki Karbi hap ki wow chim yei bahkhlieh wei lada jia iyi iyi ya ki Karbi leh toh ki hi wow bahkhlieh.
Heijooh i por da ong wa kam ki jaitbru ri-loom ym em kwah ki wow mih iwon iwon i kynaad tangwa ki Karbi ym em kwah ki wow ya krehlang wei kwah bait ki wow thooh kajia ya ki jaitbru yong i, wei i kwah i yei suk i saaiñ.
Hei yaklam wa ka ADC da kular ko wow chimkhia wei ym e laad wow mih iwon iwon i kulmar wei wow e yei yada khnang wa ki bru yong i daw yoh ki wow pyndep yei hok yong ki.
Discussion about this post