Jowai : Ka seiñ Meghalaya People United Front (MPUF) da pynsñiaw ko yei dukha mynsien yong ka hajrong i thmu wow kyrriah kaam ya u DC ka West Jaiñtia, u Arunkumar Kembhavi.
“Ini waroh jia i neidaw i kwah myntoi ki bru samen kiwa kwah u kyrriah ya uni u bru kam u DC neibhah oo ym man u u bru uwa ngait biej yei hukum ki bru heh spah wa ki bru saiñ hima” da ong u President ka seiñ u D. Laloo.
Ka seiñ da ong ko leh wa uni u DC wa katni man u uwa kreh neibynta i roi i paar ka jaitbru.
Ka seiñ da e nongmuna ko leh ya i kaam wa leh uni u DC khamtam hei yatoh wei chna ya ka yingkieñ Kureliya, ka DSC, ki sarok ki luti synkieñ wa kiwi kiwi.
Neiliang ka seiñ da raikut ko wow emlang hei wow kreh yow pynneh ya u Arunkumar Kembhavi kam u DC ka West Jaiñtia.
Discussion about this post