Khliehriat: Ka Khasi Student’s Union-Jaiñtia Hills District Unit ryngkat kiwa kitkaam ka Synjuk Jong ki Waheh Shnong East Jaiñia ynne ka sngi hapoh i yahkhmat u Ohibait Dkhar, President ka KSU wa u Satly Ryngkhlem President ka synjuk da lai yachem ki ya u Deputy Commissioner ka East Jaiñtia heiyatoh wow pyrchah ya i chna ya ka yungmane blai ki Hindu (Mandir) ha i thaw ka sorkar namo ka chnat B.D.O Department kawa em ha Khliehriat.
Neiliang ki ar seiñ da ong ki wa katkam ka aiñ ym chah ya kiwon kiwon ki jait niam wow chna ya kiwon kiwon ki yung lehniam ha kiwon kiwon ki thaw sorkar.
Da ong ki wa hapoh East Jaiñtia hadooh katni dang em ki yung krehkaam sorkar wa haap chim wai da ki yung ki bru samen kam ka DTO, Sale Tax Office, District Sports Office wa kiwi kiwi neidaw wa dang duna ka thaw sorkar neibhah wa man ko ka District kawa dang thymme tangwa phylla won wow yoo wa da e thaw ya ki heh ka niam Hindu hanlada da khang pyrchah da ka aiñ wow leh kamni.
Kini ki ar seiñ da maham ki wa lada ka sorkar ym mano ko yei dawa yong ki wow pyndam yeini, ym yohsa de ki daw haap thooh noh ki da kiwi tawon ki laad.
Discussion about this post