Ka JHADC da khut ko ya ki 17 ngut ki Dolloi ki Elaka wa em hapoh yong ka wow ya soi soskular yow pynkup bor yaki Dolloi wow chim dan ki katkam ka Riti Dustur hapoh ki Elaka heiwa ya ini da leh hadien wa chim yaka rai daka yung dorbar ka Council.
Hajrong ini, ki le ngut ki MDC ka BJP ha JHADC da beiñ wei pyrchah joor ki yei booh Check Gate ka Executive Committee ka JHADC ha man ki Elaka deiwa ong wa ini i leh ka Executive Committee daw ktah ko ya kiwa dooh wa duk tangwa ym nood won ko wow booh ya ka Monitoring Gate ha ki Cement Factory kiwa da kamai da ki klur tyngka na ka ri-loom Jaiñtia.
Kamtæ ki le MDC da ong ki wa da kyruiñ ka JHADC kammon wow booh cha ki thaaiñ nongkyndong deiwa pynemkaam ya ki Dolloi yow yoh laad wow booh ha man ki Elaka deiwa mylliñ wa ki paidbah kiwa em hapoh ki Elaka kamai ki na kti ha ktien, da pynrap deiwa ong wa ki mut ki jan wa ki paidbah cha thaaiñ nongkyndong ym ye ki wow leh pyrchah kamtæ da leh ki ya kini.
Hajrong ini da khut ya kiwa chong chnong ka ri-loom Jaiñtia wow ya mih madan yow pyrchah ya ini i thmu ka JHADC wow lute paidbah kiwa kamai chipiah chi ana na ki mar rep.
Ki MDC ka BJP da ong ki leh wa ka JHADC hapoh i yahkhmat u Thombor Chiwat kam u CEM da hiar ki cha ki Cement Factory ha Lumshnong ha u snem 2020 da i thmu wow booh ya ki Monitoring Gate tangwa ym nood ki wow leh ya ini.
Ka khubor na u Dawan Lyngdoh, MDC, u Krison Langstang, MDC wa na u Lakhon Biam, MDC.
