Kawi na ki seiñ kreh monsñiawbha, ka A’chik State Peoples’ Front (ASPF) da pyrchah joor ko ya ka sorkar jylla wa da thung ya u Dawhoi Langstang kam u Chairman ka Meghalaya Public Service Commission (MPSC) neibhah wymtoh uwa naka jaitbru Garo.
Ha ka chithi wa da phah cha u montri rangbah ka jylla, u Conrad K Sangma, ka ASPF da sñiawsih ko neibhah ini ym man i katkam ka Reservation Policy 1972, wa booh bhah mar 40% ya ki Khasi-Jaiñtia wa Garo.
Ka Secretary ka ASPF, ka Bernita Marak da ban joor ko toh wow yoh bhah mar chisien hawa thung ya ki Chairman ka MPSC hapyrdi kini ki ar jaitbru.
Da beiñ ko leh wa da sdang u bhah sa ya kawi ka bynta (Classification) iwa daw ktah ya i thmu ka Policy heiwa da kdaw ko wa ka Khasi-Jaintia da yoh Chairperson ki la 9 sien katwa ki Garo won dang du 7 sien.
Heijooh i por da ong ko wa ka Meghalaya High Court ha u 2022 da ong ko wow bood ya ka Roster System wei da dawa wow thung da kiwa na ka jaitbru Garo lym kamtæ ye ko wow kyruiñ cha ka aiñ neibhah wa emkaam u pynneh yei khooid wei yatylli hapoh ka jylla.
Discussion about this post