Pyrchah ka AYWO ya ka hukum wow klam dei ktien Khasi hapoh Hostel ka NEIGRIHMS

Tura: Ka seiñ A’chik Youth Welfare Organisation (AYWO) da pynsñiaw ko yei pyrchah yeiwa pynbna u Principal ka College of Nursing wa em ha North Eastern Indira Gandhi Regional Institute of Health and Medical Science (NEIGRIHMS) wa da pynmih leh ha ki khubor wa pynbor ya kiwa lai puræ u klam ki dei ktieñ Khasi hapoh Hostel.

Ka seiñ da ong ko wow pyndaiñ kuna T. 500 ya ki wym klam dei ktien Khasi man ko pyrchah ya ka riti synchaar ka ri neibhah ym ye u pynbor ya kiwon kiwon ya ka jait ktien wa ye ki u pynemkaam neibhah waroh em ki ka hok wow jied ya ka ktien wa kwah ki u klam.

Da ong leh wa du nei pyrtuid NEIGRIHMS wa tip kam ka North Eastern Regional Institute da sñiawthooh wa ymtoh wow pynbor wow pynemkaam ya ka ktien Khasi wa kiwi won ym hoi hapoh hostel.

Ka seiñ da ong ko wa boon kiwa sah Hostel ki wym toh ki Khasi wei da em leh ki Garo kiwa lai puræ wei man ko kamwa yachah chilliang wow pynbor ya kiwi wow dam u klam da i ktien yong ki hi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da ong wa kani ka hukum man ko kam wow thooh laad wow tympiah ya ka jaitbru wei wow pynsñiaw yaphær jaitbru.

Khaddooh da ong wa i kam u Principal wa i daw wa phah klam dei ktien Khasi toh yow suk u sñiawthooh hapyrdi kiwa kjut wa ki Nurse tangwa ini ym ye u pdiang neibhah hapoh NEIGRIHMS kiwa kjut wa chitom ymtoh du ki Khasi donhi.