Ka A’chik Youth Welfare Organization (AYWO) hadien wa tip ko wa da em ki seiñ saiñhima kiwa napoh ka thaaiñ kamjooh kiwa napoh ka ri (Regional & National Party) wa da e Ticket ki cha ki bru wymtoh ki jaitbru Garo kiwa daw yakhun ha ka GHADC Election 2021. Hajrong ini ka seiñ da ong ko wa du nei pyrtuid “Garo Hills Autonomous District Council” mut wa kani toh ka yong ki jaitbru Garo.
Ka AYWO da ong ko wa GHADC i kaam yong ka toh wow yada yaka dustur riti wa yaka jaitbru wa khian paaid katkam wa da pynkup bor ka Sixth Schedule.
Kamtæ da ong wa ym em thaw ya ki jaitbru ki wym toh ki jaitbru ri-loom kam ki ‘Banggals’ hapoh ka GHADC iwa man leh i daw wa hapyrdi dooh wa ka AYWO kamjooh kiwi ki seiñ da pyrchah ki ya ini yow pynneh pynsah yaka yurim ka Sixth Schedule.
Chooh chooh da ong wa katkam ka ‘Item 1 of Part 1 -Assam Schedule to the Constitution Order 1950,’ ki Non-Tribals ym em hok ki wow embynta haka Election kawa toh du yaki tre chnong.
Kamtæ da maham yaki Party wa e Ticket cha ki bru wym thoh ki jaitbru Garo deiwa ong wa ka seiñ toh kawa smat wow yada yaka jaitbru Garo deiwa dawa leh wa kiwon kiwon kiwa yoh u chna sorkar wow chna yaka Electoral Roll wa kyrpang du neibynta ka GHADC wei wow pynkylla yaka aiñ yow khang yaki Banggals wow chimbynta ki haka GHADC.
