Jowai: Ynne ka sngi da em ka ialang u D.C ka West Jaintia Hills wa ki dkhot ka Co-ordination Committee on International Border (CCIB) wa kiwi ki seiñ ha conference hall ka DC ophis heiwa da iaklam ki hei yatoh wa ka ‘Land Swap Deal’ lane ka pynbeitpood ha pyrdi ka Bangladesh wa ka India. U DC da ong u ka national security defence iong ka India toh ka project wa emkaam bha.
Nadooh u snem 1974 da kdaw ia ki thaw ka India wa em cha poh u pood ka Bangladesh wa ki thaw ki iong ka Bangladesh wa em cha poh u pood ka india. Haka 6 tarik Naiyndru 2015 da em i ia soi pynbeitpood da ki artylli ki yung dorbar kini ki ri katkam ka survey nadooh u snem 2007.
240.1578 akar da pynuiñ cha ka Meghalaya, 41.70 akar won da pynuiñ cha ka Bangladesh.
U DC da ong u leh wada ia leh u iaklam pynsniawthooh ia ki NGO waki dkhot ka CCIB yei emkaam ka national security defence iong ka india lada man kammon kammon leh u pyndep beit ia kani ka project neibhah wada sah tein ware ko. Da ong u leh wa ka Tripura waka Assam lai beit bha ko. Katwa khajuk khajiak da em i thut khamtam ha West Jaintia Hills. Ong haroh u wa kat wym pu dep ki nong survey team u wan cha Meghalaya khappud (Dawki waka Tamabil) ym pu nood u khana wa ki won ki thaw wow wan cha Meghalaya kiwon ki thaw wow lai cha Bangladesh. Da pynsniawthuh u DC leh ia ki CCIB wa kammon i rukom ker sainar chieh.
Da ong haroh u DC wa i jing pynsniawthuh ia ka CCIB members da man i wa jop wei wa daw khut ia ka yalang smat khnang iow tip u che ia ki thaw. Ia ka kala mandir ha muktapur kawa em cha u pood ka Bangla wa ki nong India ye hi ki u lai heiwa ki BSF waki BBG ym ye ki u khang. Ia ki nong khwe dakha leh ye hi ki u lai khwe ha kani ka thaw. Manda tikna ia ki thaw, ka company NBCC wow ker ia ki sainar chieh khappood.
ka CCIB daboh ko lada ker 150 meter na ka zero line, chiboon ki yung ki sem ki thaw ki bhaw ki wa daw dooh noh ki tre thaw tre bhaw ki wa em ha pyrdi ka 150m wa ka zero line. U DC da pynche u wa ia i ker sainar chieh u man ko na ka zero line.
Discussion about this post