Pyrchah ka chnong Ratacherra ya i pynku ya ka bai chnong

Shillong: Kiwa chong chnong ka Ratacherra, East Jaiñtia Hills da beiñ ki ya u Waheh Chnong, u Desos Pohshna wei da pyrchah ki leh ya oo ha u Chief Executive Member ka JHADC.

Hawa yaklam wa kiwa pathai khubor ha Press Club, u Tihunmon Sumer da ong u wa ka ujor toh wa ha u snem 2015 u Waheh Chnong, u D Pohshna da pynmih u ya ka hukum wa ya ka bai chnong da pynku cha ki soo kyrdan wa kiwa chong chnong haap su ki chisnem wa man T.3000, T.2000, T.1000, wa T.500.

Heiyatoh wa ini i pynku neiliang ki 106 tylli ki manyung pyrchah ki neidaw wa boon kiwa dooh ymye ki wow su ya ka iwa da yaklam hapoh ka dorbar nadooh u snem 2016 tangwa waroh man i iwa sepai iwa da pynbor ya ki wow ujor cha u CEM ka JHADC wa u Deputy Commissioner wa u Dolloi ka Elaka.

Da ong wa hapoh ka chnong Ratachera em hadooh 300 tylli ki yung wei kiwa pyrchah yeini toh neidaw wa ymye ki u su kiwa em kamwa 106 tylli ki manyung, heiwa u waheh chnong da pynbaad u wa kiwa ymye u su toh kiwa leh pyrchah ya ka chnong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heijooh i por neiliang u Tihunmon da ong u wa kini ki 106 tylli ki yung kwah ki wow kylli neiwon u Waheh Chnong yohbor u wow pynku khlem ap yei ood ki paidbah ka chnong.

Da ong wa ha ki bor nachwa i khrong poisa chnong man i T.300, T.200, T.100 wa T.50 tangwa i pynku da man i iwa pynbor ya waroh wow pyrchah ya kani ka rai.