Ka Dorbar Chnong Myntriang, East Jaiñtia Hills hapoh i yahkhmat u Waheh Chnong yong ka, u Monjurlang Lamurong ynne ka sngi da wan yachem ki ya u Deputy Commissioner ka West Jaiñtia Hills, u Garod LSN Dykes wow pynsñiaw yei pyrchah ya i wan noh jhep ka Jowai Municipal Board ha ka chnong.
Neiliang u Waheh Chnong da pyntip u wa ha ka 11 tarik uni u bnai da em ki kattu katni ngut kiwa chong chnong kiwa da yoo wa dap jhep iwi i krem mooyong wa da ieh iwa haap hapoh u pood ka chnong.
Da ong u wa neiliang ka Dorbar Chnong da pynman ko ya ka yalang ha ka 12 tarik heiwa da chemdien wa ya ini waroh da yah wow noh jhep da u Wolding Lamurong uwa man uwi na ki waheh na ka chnong wei uwa yajan bha wa u Montri ka chnat pynroi sor, u Sñiawbhalang Dhar.
Da pyntip u wa ini i thaw da tip kam i Lenar wei ini i krem toh i yong u pyrsa u Wolding wei neiliang ka dorbar chnong da rai ko wow pynchitom ya u Wolding deiwa pyndooh ya oo na kiwon kiwon ki kaam wa ksoh u ha ka chnong.
Heijooh i por da rai ka dorbar chnong wow khang pyrchah ya ini wei da dawa ya ka Municipal Board wow khat biang ya ini i jhep na ini i krem.
