Jowai: U Dolloi ka Elaka Darrang ryngkat waroh ki waheh chnong kiwa em hapoh ka Elaka Darrang, da pynsñiaw ki yei pyrchah yei khayi khappood wa em ha Tamabil Dawki.
U Dolloi da kylli u ya ka sorkar wa hadooh katwon wow pyntikna wa ye u yada nei poor u khñiang neibhah wot hapoh ka ri leh da khang wow lai hapyrdi ki jylla wei ka sorkar kwah ko wow kheiñ-stiñ ya ini i kaam.
Da kdaw u leh wa ha kini ki kajiak sngi da yoo wa uni u khñiang da poor bha u ha Bangladesh wei lada wai ya ka Tamabil daw chah ktah ki chnong hapoh ka Elaka.
Neiliang u Dolloi da kylli u na ka sorkar wa lada kor i mynsien namo ka spah deiwa kyntu ya ka sorkar wow yang chwa chipor ya kani ka rai wei ymtoh u jhan wow wai ya ka khayi ha khappood khnang wow yada ya ki paidbah.
Da kyntu u leh ya kiwa khayi namo Exporter wow man ki kiwa yaichah kamjooh yaka sorkar ha kani ka kynti.
Kani man ko katkam ka Wyrta na u Pyrwa Lymba, Dolloi Elaka Darrang.
