Pyrchah ka FKJGP wow e dei thaw ka sorkar yow booh Pertrol Pump ki baar jylla

Ka FKJGP Upper Shillong Circle ynne ka sngi da pynsñiaw ko yei pyrchah hajrong i thmu yong ka sorkar wow e da i thaw ka chnat Animal Husbandry and Veterinary wa em ha Upper Shillong yow kyrriah ya ka Petrol Pump kawa em katni ha Anjalee.

Neiliang kiwa yahkhmat ka FKJGP da yachem ki leh ya u Montri wa pait ya ka chnat Veterinary, u AL Hek yow pynsñiaw yei pyrchah, wei ini i lai yong ki dkhot ka seiñ toh hadien wa tip ynne ka sngi yei lai piat yei thaw neibynta ini i thmu.

U President ka FKJGP Upper Shillong Circle, u Kitboklang Nongphlang da ong u wa ka seiñ da pyrchah joor ki yei thmu yong ka sorkar wow e dei thaw cha ki bru wa na baar hanla ini toh i thaw yong ka Sorkar.

Da khana u wa i thaw wa da thmu wow e toh iwa heh hadooh 13,500 Sq ft, yow e salan yei thaw wa em ka Petrol Pump katni ha Anajalee neibynta wow chna pynheh ya u sarok nadooh Umshyrpi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da pyntip u wa neiliang u AL Hek da ong u wa ym ye wow chim rai neibhah ini ym haap ko hapoh ka chnat chnat yong oo tangwa iwa da leh da ka ka chnat Urban Affairs, katwa ka chnat wa pait u da bood ko yeiyi wa da phah da ka sorkar.