Jowai: Ka seiñ Garo Students’ Union (GSU) da pyrchah joor ko yei thmu yong ka NEHU wow pynman ya ka Walk-in Interview ha Guwahati heiwa ka seiñ da ong ko wa yoo lakam wa em iyi iyi ha lyndet yong ini wow pyndooh hok ya ki tre jylla Meghalaya.
Ka yutip wa da phah da u Joint Registrar, NEHU ha ka 11 tarik uni u bnai chaphang ka Walk-in Interview ha ka 15 tarik uni u bnai ha NEHU Guest House, Borjhar, VIP Road, Guwahati pynartatien ko ya ka seiñ neibhah wa ka NEHU biang hi ki thaw ko wow pynman Interview pyn ha NEHU hi neibhah wa ka NEHU Campus, Shillong wa NEHU Campus, Tura man ki kiwa da biang ki yung wa paka.
Ka seiñ da pynkynmoo ko leh wa ha ka Interview wa pynman khaddooh ka NEHU ha Guwahati, u baar jylla da yoh u yei kreh Engineer ha NEHU Campus, Tura heipor wa ksoh u Prof. Kare wot hadooh uwa e dud namo uwa chare masi leh da wanrah na i chnong yong oo heiwa ki tre jylla na Meghalaya kiwa da biang i stat i tip ym yoh ki ya kini ki kreh.
Ki kreh (post) wa da advertise toh neibynta ki Residential Doctor, Staff Nurse wa System Analyst.
Ka seiñ da ong ko wa em chiboon kiwa da biang i stat i tip kiwa ym em khih hapoh jylla wei ha Meghalaya em 40,000 ngut ki wym em khih em kreh.
“Neiyi i daw wa i khih i kreh da chah knieh i na ki khynroo khyllood ka jylla Meghalaya? Da kylli ka GSU deiwa ong leh wa ini man i iwa ymye u pdiang.
Kamtæ ka GSU da dawa ko wa ka Walk-in Interview toh u pynman ya ki ha Meghalaya heiwa da kyntu ko leh ya u montri rangbah ka jylla, u Conrad Sangma wow chimkhia yeini.
Discussion about this post