Ka seiñ Hynniewtrep Achick National Movement (HANM), Jaintia Zone, ynne ka sngi hapoh i yahkhmat u President, u Shaniahlang Suchen da lai yachem ki ya u Deputy Commissioner ka West Jaintia Hills District, u B.S. Sohliya neibynta wow kyntu ya oo wow chim yukheiñ biang næ pyntikna yei em u mooyong uwa da kem heiwa da dep pynbna da ka yung krehkaam u DC wow dai lilam noh.
Neiliang ka seiñ da ong ko wa katkam i pynbna ka sorkar wa u mooyong wa da yoh kem da em u hadooh 46,882.12 MT uwa da booh ha Phramer Traffic Cell, ha Police Reserve, ha Shkentalang wa ki thaw wa em chajan.
Heiyatoh wa ini, ka seiñ da ong ko wa katkam wa yoo ko, ye wow man uni u mooyong ym em u 46,882.12 MT kamwa da pynbna, kamtæ da kyntu ya u DC wow lai kheiñ biang yow tikna katwon em uni u mooyong chwa wow dai lilam oo.
Ka seiñ da pynsñiaw ko leh yei pyrchah ya iwon iwon i dai lilam kat wym pu ye wow pyntikna yei em u mooyong wa da chah kem.
Puræ leh: U dai lilam noh ya u mooyong wa da yoh kem ha West Jaiñtia Hills
Discussion about this post