Ka Hynñiewtrep Integrated Territorial Organization (HITO) da pynsñiaw ko yei pyrchah yei thmu ka Northeast Frontier Railway (NFR) wow wanrah ya ka luti rel chapoh ka jylla yong i deiwa pynlai na Bhoksong, Rajagaon, Baithalangso, Jengkha, Kherani wa Umrangso deiwa pynkut ha ka chnong Jowai.
Ka seiñ da beiñ ko leh ya u Montri sorkar, u Kyrmen Shylla yeiwa ong u wym chah ya kiwa na baar chnong wow luchia ki yei rai yong ki tre chnong iwa mut wa kheiñ kam kiwa na baar pyn ya kiwa napoh Khasi wa Jaiñtia Hills, kamtæ ka seiñ da khut ko ya ki paidbah wow yatylli ki pyrchah ya ka luti rel.
Da ong leh wa em kiwi ki kaam wa jhan wa emkaam wow wanrah bar yow wanrah ya ka luti rel kam iwa da phah da ka National Commission for Scheduled Tribes (NCST) ha ka 26-04-12 wa 09-08-16 yow kynthuplang ya ka Instrument of Accession waka Annexed Agreement yong u August 17, 1947, hapyrdi ki 25 tylli ki Khasi State waka sorkar India deiwa pyntoh pyntne waka Article 370A ka Constitution ka ri India.
Da kyntu ya ka President ka India waka sorkar India wow thung da ka National Center for Truth and Reconciliation Commission ka wow man kam ka rynsan yow paan maap yei chah lehbeiñ katkam wa yatoh wa kani ka Treaty hapyrdi ka sorkar India waka jaitbru Ynñiawtrep.
U pynkrehkaam leh ya ka Eastern Bengal Frontier Regulation Act of 1873 (Inner Line Permit) ha ki thaw wa jooh krehkaam nachwa hapoh ka United Khasi and Jaintia Hills Autonomous District Council yow ye u yada yei thaw ki bhaw.
Da dawa leh wow tipmit noh ya ki Syiem, ki Lyngdoh, ki Sirdar, Wahadar wa ki Dolloi hapoh ka Constitution ka ri India wei wow burom ya ki kyndon ka Instrument of Accession waka Annexed Agreement.
Discussion about this post