Ka seiñ HITO da thoh ko cha ka DC ka East Khasi Hills kamjooh cha u SK Choudhury uwa da pynman ya ka yakhih chong kyllaiñmyngngor ha Khydailad pyrchah yeiwa jia ha Lumdiengjri hajrong i chah dat ki 3 ngut.
Ka seiñ da ong ko wa ini i leh u Choudhury deilang waka kurim toh kamwa pynbaad syndon wa ini iwa jia toh wa em i thombor wei sñiaw yaphær jaitbru khlem em iyi iyi i sabut leh wow pynsakhiat yeini.
Deiwa ong leh wa hanla i leh kini ki chi kurim toh deiwa jai-jai, ye won i wow pynthut yei suk i saaiñ hapoh ka jylla heipor wa kwah kiwa boon wow lai chakhmat tangwa em won kiwa kwah bait u pynkynmoo yeiwa da jia nachwa.
Chooh chooh da ong wa kini ki chi kurim i rukom leh ki toh deiwa wanrah bait yei pynsñiawphær jaitbru wei toh u pynsangeh ki chisyndon.
Heijooh i por ka seiñ leh pdiang ko yei tlot ki pulit wow kem ya kiwa emkti ha kiwa boon ki kaam pyrchah aiñ tangwa kini kiwa emkti ym toh waroh ki jaitbru ri-loom wei khlem sabut won ym ye wow ong wa iwon iwon wa jia ya ki Bengali ha Meghalaya toh iwa leh da ki jaitbru ri-loom.
Kamtæ da dawa naka DC wow pynngat ha ki kyndon ka aiñ ya kiwon kiwon kiwa wanrah yei pynsñiaw yaphær jaitbru.
Puræ leh: Pynman ki chi kurim yei yakhih pyrchah yeiwa jia ha Lumdiengjri
