Jowai: Ka HNYF ynne ka sngi da thoh ko cha u Deputy Commissioner ka East Khasi Hills wow pynsñiaw yei pyrchah ya ka Citizenship Amendment Bill 2016 wa wanrah da ka sorkar India kawa thmu wow e hok wow man tre ri ki bru wa chong wa sah be-aiñ kam ya kiwa na Afghanistan, Bangladesh wa Pakistan.
Ka seiñ da ong ko wa i thmu kani ka aiñ wow yabhah ya ki bru deiwa kheiñ ya ka niam wa bood kiwa wan sah be-aiñ kam ki Hindu, Sikh, Buddhist, Jain, Parsi wa Christian da tyngkheiñ ko ya ka riti synchaar ka ri ka wym pait ka wym leh chilliang ya ki bru heiyatoh wa ka niam wa bood ki.
Da ong leh wa kani ka Amendment Bill daw pynchlur ko ya ki bru wow man tre ri ki ha pyn-ar ki ri wa wan ki wa kawa sah ki wei lada kamni ka ri India daw man ko ka ri wa kiwon kiwon kiwa phet wiar ye ki u wan man tre ri.
Hei yatoh won waka jylla Meghalaya kawa em u pood wa jrong waka Bangladesh kawa yoh ki Bangla u psiah u mih katwa ngait ki, da tikna wa daw boon kiwa daw ku cha ka jylla wow kam wa ki leh toh ki tre ri.
Ka seiñ leh da ong ko wa u kyrchaan ko ya ka seiñ FKJP ka wow lai pyrchah ya kani ka aiñ ha ka yalang wow pynman ka Joint Parliamentary Committee (JPC) on Citizenship Amendment Bill 2016 ka wow pynman mynstep ha Shillong.
Discussion about this post