Pyrchah ka HYC-EJH yei chna yaka karkhana Coke wa tip kam ka Presidium Breez

Ka seiñ HYC-EJH da e ko yei kyrchaan yaka chnong Nongsning wa Umrasong kiwa da pyrchah yow chna yaka karkhana Coke wa tip kam ka M/S Presidium Breez.

Ka seiñ da ong ko wa kiwa chong chnong kini ki ar chnong da chah ktah joor bha ki nei em kani ka karkhana hanla ym pu dep chna wei ympu em pynkrehkaam ka tangwa da chah ktah joor ki tyllong um wa pynemkaam ki man-ka-sngi wei katwon won u jia manda pynkrehkaam ya kani ka karkhana kawa daw pynjakhlia sa ya ka la-ær wa ki um ki wah.

Da phylla leh wa kammon da e yaka Consent To Establish (CTE) yow chna ya kani ka karkhana wot hapyrdi i pyrchah ki paidbah kiwa da ujor cha u DC nadooh u snem 2023 wei kamjooh cha ka Meghalaya State Pollution Control Board.

Neiliang ka seiñ da kyntu ko leh yaka sorkar kamjooh ki MLA ka thaaiñ wow ap yei sur ki paidbah deiwa khang khyrdep ya kani ka karkhana.

Related posts

I pynbna wa emkaam neibynta kiwa kwah u chimbynta ha ka 1st Miss Latuber Beauty Contest 2024

November 21, 2024

Chem uwa lai puræ PhD uwa na Nongjngi ya ka dakha wa thymme ha Lakroh

November 20, 2024

Da kyntu leh ki waheh chnong wym toh u e NOC kulmar ya kam kini ki karkhana kiwa wanrah yei dooh nong yaka imlang sahlang kamjooh ka jaitbru waroh kawi.