Shillong: Hadien wa yoh yutip wa em i thmu wa sopsop da ki bru samen wow dai næ e thaw ya ki chipai Border Security Force (BSF) ha chnong Tynring, Khyrim Syiemship, East Khasi Hills District, ka HYC Mawryngkneng Circle da pyrchang ko wow takit yeini wei hadien ini da yoh u yaklam wa u Sordar katai ka chnong lyngba ka Phone, da pyntikna u leh wa man i iwa sakhiat wei ynne ka sngi ka seiñ hapoh i yahkhmat u President, u Robinson Nongrum da lai e dorkhat ko ha u Syiem ka Hima Khyrim Syiemship, wa ha u CEM ka KHADC, U EM Incharge of Land wa ha ka DC East Khasi Hills District wow dawa wow dam u e NOC.
Ka HYC Mawryngkneng Circle da pyrchah joor ko yeini i thmu da ki bru wa chim kabu wow dai dooh ya i thaw khlem pyrkhat yei eh i khoo wow yachem ka pateiñ neibhah wa da sakhi ya i eh i khoo wa yachem ka juk wa katni nei em kini ki thaw sah ki chipai neibhah ymjooh yoh ya ki kaam pynroi lait na i chah pyndik wei i wym chngaain ki kynthai wa khynnah.
Ka HYC Mawryngkneng Circle da beiñ wei da maham ko leh ya ki agent næ ki bru samen kiwa thmu wow dai næ e thaw cha kiwon kiwon ki jait chipai hapoh ka thaaiñ wot cha kiwi tawon ki thaaiñ leh kamjooh.
Ka seiñ da kyrpaad ko leh ya waroh ki paidbah wow man ki kiwa husiar kiwa syndong boi chem ki kam kini ki bru wa thmu wow e namo dai thaw cha ki chipai.
Discussion about this post