Jowai : Ka seiñ Jaiñtia Hills Truck Owners Association ha ka khubor wa da phah da u General Secretary u Enrico D. Pasi da ong ko wa i lai pait li yoo u montri ka tnat Transport Department u HDR Lyngdoh ya ki thaw wa em ki pyrla wa thaw khia ki truck heiwa da khrong dan leh, ynnin ka 26 tarik toh wow pyllang u ya ka poisa na ki tre truck waroh.
Hajrong wa ki truck haap thaw ki hadooh le sien yei jooh i mar hawa lai cha Guwahati kam ha Byndihati Weighbridge, 7 Mer Weighbridge wa 13 Mer Weighbridge ini jia i leh ya ki truck wa lai cha Silchar haap thaw ki nadooh na 7 Mer Weighbridge, Umtyra Weighbridge wa ha Ratachera Weighbridge.
“Ini che ko kdar wa nadooh wa man Minister Transport u HDR Lyngdoh wei ksoh u ya ka Home Department, hei pyrtuid ka Motor Vehicle Act 1988 ki truck chah lute hi eh ki ha ki weighbridge wa pyllai da ki enforcement ka tnat transport heiwa da chim poisa ki ym katkam i dor sorkar tangwa da chim ki katwa ngait khlem e receipt” da ong u ma Pasi.
Ka seiñ da pyrchah joor ko yei lai sylli u HDR Lyndoh ya kini ki thaw neibhah ini man i iwa kwah hi-eh u wow pyllang ya ka poisa du cha oo samen donhi.
Da kyntu ya u ma Lyngdoh wow chimkhia u heiwa ymtoh u phah thaw ya ki truck hadooh le sien wei wow chim dan ya ki pyn ha ki le tylli ki thaw wei wow e kiwa kreh da ki receipt lada chim bai thaw næ ka kuna wa chah daiñ ki lada kit palat pood.
Discussion about this post