Jowai: Ka seiñ Jaiñtia Students’ Movement (JSM) ynne ka sngi ka 25 tarik da thoh ko cha u DC ka WJH hei yatoh wa i wan toor biang ka sorkar Assam chapoh u pood u ang ka jylla Meghalya heipor waka jylla katni dang boonkaam ko ya ki Election cha ka JHADC waka KHADC.
Ka seiñ da ong ko waka sorkar Assam da chna ko ya ka yung krehkaam ka Battallion Outpost ka Assam ha Pom Dkhar, Rtiang Sanphaw kawa em hapoh ka chnong Saitsama, WJH kawa ym ye u pdiang ki paidbah kani ka thaaiñ.
Ka seiñ da ong ko leh wa ini i leh ka sorkar Assam toh kam wow kam thaw hapoh ka jylla Meghalaya wei kani ka Battallion Outpost em ko du kamwa 20 Km na Saitsama Outpost wei lada ym pynsangeh daw man biang ko kamwa jia ha Langpih ha ki por wow wan, wei ka sorkar Meghalaya emkaam ko wow leh ya iwa emkaam.
Kamtæ ka JSM Central Body da dawa ko wow phah pyndam noh wow chna ya kani ka Battalion Outpost ka Assam yow lait wow haap leh ka Khatkasla wow dooh cha ka Assam.
Discussion about this post