Pyrchah ka JSU yeiwa klam u Sniawbhalang Dhar

Ka Jaiñtia Students’ Union (JSU) hajrong i klam u Symbood Montri Rangbah ka jylla, u Sniawbhalang Dhar wow wanrah luti rel cha Ri-loom Jaiñtia Hills, da ong ko wa du ki kattu katni kiwa mahajon, kiwa khayi wa kwah wow wanrah ya kani ka luti rel.

Ka seiñ da ong ko deiwa pynrap wa ym myntoi wow wanrah luti rel khlem em ka Inner Line Permit (ILP) hapoh ka jylla.

Da ong ko wa ka ILP pynkhor ko yei wan psiah ki bru na baar jylla iwa daw booh hei maa ya ki tre jylla wei i wanrah ya ka luti rel daw ktah bha ko ya i man i long ka jylla hadien habood.

Ka JSU da ong ko leh wa i dor ki mar ha Assam (kawa em luti rel) wa ha Meghalaya man i i jooh wei kammon u ktah ka luti rel ya i dor ki mar neibhah i dor i khyndaw-bilat ha Meghalaya dang sy’at i bar ha Assam.

Heijooh i por da ong ko wa emkaam wow yaklam wa ki paidbah hajrong ini i kaam khnang wow tip yeiwa kwah kiwa chong chnong ka thaaiñ Jaiñtia.