Pyrchah ka KSU wa AASU yei chah pynsangeh ki kari Tourist ka Assam

Ka All Assam Students’ Union (AASU) deilang wa ka Khasi Students’ Union (KSU) da pynsñiaw ki yei wit wei sñiawthut wow yoo ya ki kari Tourist kamjooh ki kari ki bru samen wa wan na Assam wa da chah pynsangeh ki ha Meghalaya dei wym chah u psiah ki.

Hapoh i pyrtuid ka North East Students’ Organization (NESO), ka AASU waka KSU da yaklam sani bha ki yeini heiwa ka KSU da ong ko wym tip ko chaphang ini wei pyrchah ko lada em kiwa leh yeini. Neibhah ki kari Tourist wa kit ya kiwa uiñke suwari na Assam toh u chah u psiah ki cha Meghalaya khlem da hap u khuslai wa daw chah pyndik.

Tangwa da ong wa emkaam ya waroh ar ki sorkar ka Assam wa Meghalaya wow yaklam ki yow lait noh na kam ini wei kamjooh ki seiñ kiwa kamai Tourist ki ar jylla toh u em ki yei ya sñiawthooh wei wow krehlang deiwa ya sñiawthooh.

Related posts

Dang pteiñ i yaklam ki DC ka West Jaiñtia wa West Karbi | Ka Lapangap wa ka Mukroh ymtoh ki thaw wa em i kajia pood: Sniawbhalang

November 25, 2025

Pynhær u Modi ya ka lama ha khlieh ka Ram Mandir kam ka dak wa dadep yei kreh ya ka

November 25, 2025

Neiliang u President ka AASU, u Utpal Sarma, u General Secretary, u Sankor Jyoti Barua, u President ka KSU, u Lambokstarwell Marngar, u General Secretary, u Donald V Thabah da ong wa kini ki ar jylla toh ki jan yung wei kam ki seiñ da kwah ki wow pynkhlan yei yatoh lok neibhah waroh ar tylli ki jylla toh kiwa chah ktah hei wan psiah tooh ki baar ri.

Kamtæ da ong wa ka AASU wa KSU toh kiwa kyrchaan kylliang wei ka thong ki toh wow yada ya ki jaitbru tynre nadooh wa yoh ya kini ki ar jylla wei u pteiñ yeini.