Pyrchah ka KSU War Jaiñtia yei rukom kreh u Contractor ya u sarok Satpator wa Trangblang

Jowai: Ka Khasi Students’ Union War Jaintia Circle ha ka 29 tarik u bnai wa da dep hapoh i yahkhmat u General Secretary u Lurman B. Talang wa u Kyrmen Lamin Gayang da lai pait ki ya u sarok wa lai cha Satpator wa Trangblang hajrong wa kreh habra u Contractor.

Ha katai ka lai sylli da wan leh ki waheh chnong ka Trangblang u A.B. Pamksang wa u waheh chnong ka Satpator u Wanphai B. Amse, ka seiñ hadien wa da yoh pdiang ko ya ka ujor na ki waheh chnong yong ki artylli ki chnong hajrong i kreh habra u Contractor iwa da yoo ki leh haka Facebook wa da pynemkaam da ki moo wa heh wei da em leh i khleh lang wa ka khyndaw ktieh, ka seiñ da chimkhia ko ya ini wei da pyrchah joor ya ini i leh khlem pyrkhat, khamtam hadien wa da dep phah ya kitai ki waheh chnong wow lai ujor wut wut cha u Executive Engineer PWD Jowai South.

Da pynkhyrngiat yaka seiñ neidaw wa neiliang yong kitai ki waheh chnong da dep jubab wei da dep ujor ki nadooh wa sdang kreh da uni u moo wei neiliang yong u E.E leh kubur wei da dep ong u ya u Contractor wa ym toh u kreh da uni u moo.

Neiliang ka seiñ da lyngngoh ki hawa da poi ha katai ka thaw wow yoo kammon ki bor wa toh u pait nadooh ki Overseer, Maharal wa u EE uwa da hiar da oo cha kani ka thaw wa u Contractor dang yoh u pynemkaam ya uni u moo uwa yaphær nadooh ka rong, i dur wow siang da uni u moo nalor wa da dep phah ya oo wa ym toh u leh ya ini.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hawa yachem ka seiñ wa u Contractor wa em ha kani ka thaw, hawa kylli da jubab deiwa e daw u kamni kamtai, kamtæ ka seiñ da ong ko wa ym ran dien ha kiwon kiwon ki bynta kiwa ktah ya u paidbah wei da maham leh ya oo wow phah ya ki wakreh wow kyntait ya ka khyndaw ktieh wei wow pynemkaam da u moo wa toh u pynemkaam wow chan sarok u wow neh slem katkam ka kyndon wow chna sarok.

Heiyatoh won wa iwa da dep siang kamwa 150 meter kiwa da siang da u jooh u moo neiliang yong u Contractor da ong u wa u sangeh chwa ya iwa da dep chna neidaw waka seiñ da chem ko da i khmat wa man sakhiat ko wa i rukom krehkaam kawa ym jooh chem kam ini i rukom.

Ka seiñ da kyntu joor ko ya kiwa toh u pait ya ini i kaam wow chimkhia wa ym toh u e laad ya kam kini ki kaam wei daw lai ujor leh cha ki bor ka aiñ.