Jowai: Ka Khasi Students’ Union (KSU) ynnin ka sngi da lai yachem ko ya kiwa pynlai ka MeECL hadien wa ka yoh yutip ki wa em ki Kharmator kiwa wan paan pyndait bordiñ. Ka KSU hapoh i yahkhmat u Ostarnic Marbaniang (Assistant Organising Secretary, KSU CEC) wa u Iashanborlang Mukhim (Executive Member, KSU CEC) deilang wa ki dkhot da dawa ki na ki bor pynlai ka MeECL wow kyntait ya ki Application yong kitai ki kharmator.
Ka yurim wa ka seiñ ka booh ko ya kani ka dawa toh neidaw wa ka kaam hawa yatoh wa ki kharmator dang em ko ha ka kynrum kynram. Ka seiñ da lyngngoh ko wa kammon wa nood ki wow lai paan bordiñ na ka MeECL hawa ym pu ye ki wow pynsakhiat lada ki man ki næ ym em kam ki wakreh Municipal lane kiwa chong pyrchah aiñ hadooh katni, wot lada ka Board da phah ko ar sien wow thooh yutip chaphang kiwa chong wa sah ha Them metor.
Chooh chooh ka seiñ ym sñiaw ko wa chong yurim ya ka MeECl wow e bordiñ ya ki neibhah lada e ko mut wa man ko kawa pyrchah ka aiñ. Khaddooh ka seiñ da kyntu biang ko sa chisien ya ka sorkar wa ka HLC wow pynsmat noh wow kyndang ya kitai ki kharmator na katai ka thaw khnang wow wanrah biang ym du yaka chongsuk chongsaiñ, hadooh ka kyllooid, i khooid wa ka roi ka paar.
Discussion about this post