Ka KSU-EJHDU hapoh i yahkhmat u Kwilnis Suciang, Generel Secretary ka District Unit da lai ki wow booh dorkhat ha u DC ka East Jaiñtia Hills yow pyrchah joor yei yoh NOC ki kattu katni ki bru wow chna Mandir ha i thaw sorkar.
Ini i thaw wa da thmu wow chna ya kani ka Mandir toh hapoh u pood u ang ka District Court Khliehriat iwa em hajan ka yung krehkaam u Deputy Commissioner ha Khliehriat.
Katkam wa tip ka seiñ wa kani ka thaw toh kawa jooh man kam ka thaw mane Blai kiwa kreh sarok iwa chipor donhi kiwa da mih liwan noh tangwa da pteiñ wow mane Blai da ki kattu katni ki baar jylla deiwa chna pyrchah aiñ heiwa da dep tympra ka neidaw wym em yoh bor ha ki snem wa da lai.
Kamwa man kattæ won da em wa kær ya ini i thaw soodong da ki Tin wei kamwa da tip wa hadooh katni da yoh bor yei thaw wa heh 500 sqft wei da paan sa 250 sqft yow chna sa ka thaw mihlait.
Neiliang u DC hadien wa ap sñiaw ya ki daw kamjooh ki kyndon aiñ kamjooh ki hukum ki yung bichaar da mynjur u wow pynsangeh chwa ya ini i thmu wei wow thooh bniah hajrong kani ka kaam na ka sorkar.
Ka seiñ da ong ko wa la kammon kammon ymtoh wow e bor yow chna ya ka thaw mane Blai ha ki thaw ka sorkar.
Discussion about this post