Shillong: Ka Khasi Students’ Union (KSU) Seiñ Bei hapoh i yahkhmat u Readyon Stone Nongrum, Education Secretary ka seiñ da pyntip u wa ka Managing Committee ka Laban Bengalee Girls Higher Secondary School Laban, Shillong da chim ki ya ka rai wow pteiñ da ka jooh ka Principal wat hadien wa da toh i por u chong ngiah ko.
Hei yatoh wa ini ka seiñ da yachem ko wa u Ambrose C Marak, Director Directorate of Shool Education and Literacy (DSEL) Government of Meghalaya, uwa man leh kam u Deputy Director, Directorate of Higher and Technical Education (DHTE) Government of Meghalaya deiwa pynsñiaw ki yei pyrchah yei pteiñ kreh kiwa da toh por u chong ngiah, da pyntip ki leh cha oo yeiwa leh ka Managing Committee.
Neiliang u Marak da kular u wow chimkhia ya ini i kaam wei sñiawthooh u yei sñiawkhia ka seiñ kawa ong wa lada kreh ki bru palat ya ki snem wa da booh da khanglaad ko ya kiwi u ku kyrdan ki kamjooh leh da khang laad ko yei lait kaam.
Ka seiñ da yachem ko leh wa ka Roshan Warjri hei yatoh wa ini wei ka leh da kular wow chimkhia ya ini.
Discussion about this post