Pyrchah ka KSU yei thung kreh ka MRB da ki baar jylla

Shillong: Ka Khasi Student Union (KSU) ynne ka sngi da lai yachem ko wa ka Branch Manager ka Meghalaya Rural Bank (MRB), Shillong hadien wa yoh yutip ki wa em i thung kaam da ki baar jylla ha ki kyrdan waphær waphær ha katai ka Bank.

Ki dkhot ka KSU ha i yahkhmat u Rapbor Nongrum, Public Secretary da lai yachem ko ya ka General  Manager ka Meghalya Rural Bank, ka C. Marbaniang wow pynsñiaw yei pyrchah yei leh yong kani ka Bank.

Ha i yachem ya ka BM, neiliang ka seiñ da ong ko wa katkam ka Advertisement yong ka Bank da thoh che wa kiwa thap kreh toh u tip wow klam ktien Khasi wa Garo tangwa katkam ka thup pyrtuid wa yoh naka Bank ki pyrtuid kiwa yoh kreh khamtam ya ki kyrdan Officer Scale-1 kiwa yoh kreh toh ki bru kiwa na kiwi ki jylla.

U Rapbor da ong u wa ka BM da pyntip ko wow pynsangeh chwa chipor ya kani ka thung kreh kamwa da yaklam wa u Chairman ka MRB wei wow bichaar biang ya kani ka kaam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong wa katkam i pyntip ka BM ya ka Exam thung kreh da leh katkam ki kyndon yong ka Bank kamjooh ki kyndon ka Sorkar India lyngba ka Ministry of Finance (Department of Financial Services).

I lait kreh hapoh kani ka Bank em ki 47 tylli wei du 11 ngut ki tre chnong da chah jied ki katwa ya kiwa tam da chah jied ki baar jylla.

U Rapbor da ong u waka seiñ u booddien ko ya kani ka kaam wei ye ko leh wow chim ya ki laad kiwa eh lada ki heh ka MRB ym mano ki yeiwa kyntu ka seiñ.