Kiwa chong chnong ka Mawkhar hapoh ka ‘Ka Sur Ki Nong Mawkhar’ da pynsñiaw ki yei pyrchah yei pynman ka Rot Association of Meghalaya (RAM) ya ka yalang phyllu yumut namo ka Panel Discussion ha ka 3 tarik uni u bnai hapoh ka chnong kam chibynta ka International Sex Workers’ Rights Day ha Khasi National Durbar Hall, Mawkhar.
Kiwa chong chnong da ong ki wa da ki phaw snem kiwa chong chnong, kiwa yahkhmat chnong wa ki seiñ kiwa boon da kreh ki neibynta i burom kani ka thaw, kamtæ ym chah ki la kammon kammon leh ya ka RAM wow pynman ki ya kani ka Panel Discussion hapoh ka Khasi National Durbar Hall lane ha kiwon kiwon ki thaw wa em hapoh u pood u ang ka Mawkhar.
Kamtæ da ong wa kattu da chong ha ka DC wow chim yei rai wei da kyntu leh ya ka DC wow pynsangeh yei pynman ya kani ka yalang lym kamtæ da pynyoo wym em burom de ya ka chnong.
Kam wow pynykynmoo wa kam chibynta ka International Sex Workers’ Rights Day kawa ha uni u snem da pynman hajrong ka phang “Sex Workers’ Rights are Human Rights” daw pynman ya ka Panel Discussion heiwa da khut wow klam nadooh kiwa mihkhmat NGO, ka Meghalaya State Commission for Women, Meghalaya Human Rights Commission wa kiwi kiwi de.
