Pyrchah ka MSSASA yei thmu ka NIOS wow pynman exam ha ka sngi kyntang ki Kristan

Jowai: Ka seiñ kiwa sikai SSA wa tip kam ka Meghalaya SSA School Association (MSSASA) neiliang ka Central Body

 ynne ka sngi da thoh ko cha u Montri Rangbah ka jylla u Conrad Sangma yow pyntip cha oo wa ka National Institute of Open Schooling kawa yakrehlang waka sorkar jylla wow pyllai ya ka Diploma in Elementary Education (D.El.Ed) Course ya kiwa sikai SSA Elementary School Teachers hapoh ka jylla da pynbna tarik yaleh Exam ya ka 1^stYear (1^st Semester) neibynta ki Subject Code 501,502 wa 503 ha ka  27, 28 wa 29 u Naitung (April) 2018 heiwa ka sngi 29 tarik da haap ko ha ka sngi Bibar.

Ka seiñ da ong ko wa ka sngi Bibar toh kawa kyntang ka sngi u Blai ya ki Kristan wa em hapoh ka jylla heiwa kiwa sikai wa yaleh D.El.Ed da em ki 26,980 kiwa haap hapoh ka kyrdan Untrained Teachers kiwa da thap pyrtuid wow pyndep ya ka D.El.Ed neibynta u snem 2017-19 wa kynthup ya kiwa sikai sorkar, Adhoc, Deficit, SSA wa ha ki skur ki bru samen.

Kamtæ da kyntu ya u Montri Rangbah wow kyrriah ya ka 29 tarik wa haap ha ka sngi Bibar cha kawi tawon ka sngi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024