Ki ar tylli ki Dorbar Chnong kiwa kynthup ya ka chnong Namdong-B waka Mukhnang da yieñ pyrchah ki yei thmu phiah wei kyrriah ya ki chnong kamwa da pynbna da ka Delimitation Committee ka JHADC.
Ya kini ki ar tylli ki chnong katkam wa da pynbna da thmu wow kyrriah na ka Mynsngat Khanduli cha ka Shilliang Myntang.
Ha ka dorbar wa da pynman ynne ka sngi da emlang nadooh u Waheh Chnong ka Namdong-B, u D.S. War, u Waheh Chnong ka Mukhnang, u Runi Mukhim, u Secretary ka Namdong-B, u Serus Lypon neitæ u Apostol Shadap, u Linus Pale wa ki dkhot yong ki ar tylli ki EC chnong, ki manbei, ki manpa, ki khynroo ka thaaiñ hi waroh kawi kiwa da wan mih ryntih ha katai ka dorbar yow pyrchah yei thmu yong ka Delimitation Committee wow pynkylla yei rukom man ki Constituency.
Ha kani ka sngi neiliang ki seiñ khynroo ka chnong Namdong da mih ki chakhmat yow pynsñiaw yei wym sñiaw yahaap yei phiah lyngkhot lyngkhai ya ki Constituency khamtam ya ki ar tylli ki chnong i ym yahaap wei ka wym em yurim iyi iyi leh neibhah da chah rah cha jngai palat.
Da ong leh wa ym em pyrchah yei phiah Constituency tangwa i pyrchah man ko yei rukom rah ya ki chnong cha ka Constituency wa em cha jngai.
Da maham leh wa lada lai chakhmat wow leh yeini, daw dam noh u chimbynta ha ka Election MDC wei ym em Polling Station de hapoh ka Namdong-B.
Discussion about this post