Ka Naga People’s Front (NPF) da pynsñiaw ko yei pyrchah yeiwa pteiñ ka sorkar pyrdi wow pynman Disturbed Area ya waroh kawi ka Nagaland sa 6 bnai.
“Ha kam kini ki por wa man kiwa emkaam bha wa dang yaklam yasuk yow pynbait ya kiwa boon ki kaam wa yatoh waka synchaar khadaar heiwa hadooh ki bru paidbah leh da yooluti ki wow u yoh noh yei rai wa khaddooh, ka sorkar pyrdi won da pynkhyrngiat wei da pynartatien ko hadooh katwon chimkhia ko yow wanrah yei suk,” da ong ka kyrwoh naka NPF.
Kamtæ da ong wa ini i pynbna Disturbed Area daka sorkar pyrdi ym toh iwa emkaam kamjooh i pteiñ yei pynemkaam yaka aiñ Armed Forces (Special Powers) Act (AFSPA) kawa e bor yaki chipai wow kynreh wow kem ya kiwon kiwon khleh da yoh bor, hadooh wow siat lada toh wow pynbiat yei krehkaam ka aiñ.
Kam wow pynkynmoo wa ka Ministry of Home Affairs (MHA) ha chwa wow kut u snem 2020 da pynbna ko yaka Nagaland kam ka Disturbed Area wei da leh ya ini neidaw wa man ko ka thaw kawa thut kawa maa wei kawa emkaam yaki bru chipai wow yarap ki yaka jylla.
Neiliang NPF ka NPF da kyntu ko yaka sorkar pyrdi wow pynyoo wa chimkhia ko yei wanrah yei suk deiwa pyndam chwa ya kani ka aiñ.
