Ka Pakistan da pyrchah ko ya i angnood ka India wow pdiang ya kiwa uiñke suwari ha ki loom thah wa tip kam ka Siachen Glacier wa em ha u Line Of Control (LOC) hapyrdi u pood wa kajia kini ki ar ri.
“Ka India da pyrchang ko wow kam ya ka Siachen wei ymye i u pdiang yeini i thmu wow pdiang ya kiwa uiñke suwari ha kani ka thaw,” da ong uwa e ktien ka Pakistan Foreign Office, u Muhammad Faisal ha Islamabad.
U Faisal da ong u leh wa ka India ymem u kynjoh ktien ko hajrong ini i thmu yong ka.
Kam wow pynkynmoo heini u montri ka kaam yada ri ka India namo u Union Defence Minister, u Rajnath Singh ha ka 21 Naichiphaw da pynbna u wa ka Siachen Glacier, kawa man ka thaw yaleh thma wa hajrong dooh ka pyrthai u wai ya ka neibynta kiwa uiñke suwari.
Kani u man ko leh wow yarap ya ki paidbah ka Ladakh wow sñiawthooh ki laad kamai wa ye ki u kamai ha ki thaw wa krehkaam ka Indian Army.
Chooh chooh neiliang ka India ha u 2007, da pynbna ko yei jooh tangwa ka Pakistan da pyrchah ko leh yeini i thmu.
Discussion about this post