Pyrchah ka seiñ AHPUF yei thmu ki Chi Iung wow pynkhle biang ya ki Ticket Lucky Draw

Hadien wa mih i kynrum kynram neidaw wa em i suba leh thok leh chukor haka pynkhle Ticket Lucky Draw yong ka Chi Iung hei yatoh waka Frist Prize wa man da ka Dumper Truck, neiliang ka seiñ All Hynñiewtrep People United Front (AHPUF) ym sñiaw yahaap ko, wei da mih ko chakhmat wow pyrchah joor yeini i thmu kani ka Chi Iung Multipurpose Society wow pynkhle biang ya ki Ticket heiyatoh waka First Prize.

U President ka seiñ, u John Phawa da ong u hadien wa mih da ki phaw phaw hajar ngut ki bru kiwa ood wa naam namo kiwa Complaint heiyatoh weini i kaam, kamtæ ka seiñ ym sñiaw neh chah ko u kut du hei thnum hei khñium kamtæ da mih ko chakhmat wow yieñ neibynta i hok ki lak lak ngut kiwa chong chnong ka ri Khasi Jaiñtia kiwa chah thok heini i kaam.

Kammon u pynkhle biang ki ya ki Ticket ka First Prize hawa boon na ki paitbah kiwa thied dadep noh lut ki ya ki Ticket yong ki? da kylli ka seiñ.

Lada kitu kiwa pynlai chem ki wa da em i suba leh thok leh chukor tæ pyn heitu hi u dam ki u pynbna ya katu ka Ticket Number wa yoh First Prize. Lada ong ki wa da em dak kha lammieñ lane wa da jhieh katu ka Ticket neitæ pyn heitu i por pathan sæ wa toh u sñiaw ki wa jhieh ko, hadien wa da slem por wa da toh u rkhiang u wiar i dak kha lymmieñ won mo u tip ki yeiwa jhieh? Kat wa yoo won pynbna ki hei step won wa ym pdiang ki ka katu ka Number wa pam First Prize. Kani pynsuba ko ya kiwa boon wa em iyi re iyi cha lyndet.

Related posts

Ka KNGC toh kawa biang lut wow man kam ka Exam Centre ka CUET: JSM

May 14, 2025

Pynbaad ka KSU Lapangap Unit wa da pynemkaam bakla ya u symbe kba wa toh u yoh na ka sorkar

May 14, 2025

Kamtæ ka seiñ da pyrchah joor ko yei thmu kani ka seiñ u pynkhle ar sien ya ka First Prize neidaw wa dadep pynbna ki ya u Number wa pam First Prize, tæ da boon ki paidbah wa dep thied Ticket dep noh lut ki ya ki Ticket yong ki. Kamtæ kammon u tip de ki u wan kam ya ki Prize hawa i lyngkhot katu ka Ticket dep noh ki? 

Hajrong ini ka seiñ da rai ko wow lai ood namo u Complaint cha ki bor ka aiñ wow bichaar yeini khnang wa ki paidbah kiwa thied ya kini ki Ticket u yoh ki yei hok yong ki.

Chooh chooh ka seiñ da ong ko kammon ha katu ka sngi ya ki khynnah wa klah Ticket leh man ki kiwa dadep jied chwa (Staged), dei wym em u jied ki naphang ha man la ki Round yong ki Prize ha katu ka miet.

Sa iwi leh i leh ym takit bniah ya utu u khynnah uwa klah ya ka 1st Prize kawa da em i pynsuba.

Neiliang ka ka seiñ ym chong klikti ko, wei daw lai ko chakhmat neibynta wow hun mynsien ki paidbah dei wow tip yei hok yong ki.