Pyrchah ka seiñ khynroo Lad Rymbai Dongwah ya i leh u Dolloi wa u Waheh Chnong ha yalang ka chnong

Jowai: U President ka Youth Wing ka Lad Rymbai Dongwah (YWLD) u M. Biam da beiñ joor u ya u Dolloi ka Elaka Rymbai u Elious Swer uwa wan ha ka chnong Lad Rymbai Dongwah chirrup wa ki pulit ka Lad Rymbai Out Post cha ka General Meeting ka chnong wa khut pynman da ka Executive Committee ka chnong ha ka 31-10-17.

U President ka Youth Wing da ong u ini toh i lehbor ymdu u Dolloi kamjooh leh u Waheh Chnong u Shanbor Suja uwa dang dep chah jied kam u Waheh Chnong tangwa ympu em yoh Sanad u naka JHADC.

Da ong u wa katkam ka aiñ ka JHADC wa tip kam ka JHADC (Establishment of Elaka and Village and Election, Appointment, Powers and Functions of Dolloi/Sirdar and Waheh Shnong) Act, 2015, toh kawa da batai yei rukom krehkaam ki Dolloi wa ki Waheh Chnong.

I leh u Shanbor Suja wa u Dolloi ka Elaka Rymbai toh iwa pyrchah ya kani ka aiñ heiwa ki da pynbor ki ya ki paidbah wow jied noh ya ki dkhot ka Executive Body ka chnong khlem yohlaad kiwa ksoh kaam wa rim u pynsñiaw ya ki kaam wa da pyndep ki, ya ki kaam wa dang sah kamjooh leh ya ki kaam poisa poilaiñ wei du hadien wa pyndep ya ini wei da hun ki paidbah ye u jied ya ki dkhot ka Executive Body yow ye u e Sanad ya u Waheh Chnong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa u Suja da leh yabor u deiwa man u kam u Chairman ha ka yalang heiwa da chrai lut kiwa chong chnong yeini wa leh u neibhah tang ka Sanad leh ympu em yoh u wei ym e laad u ya kiwa chong chnong u klam ki.

Neiliang u M. Biam President ka YWLD da booh u ki phang kylli ha u Elious Swer wa ha u Dolloi ka Elaka Rymbai wa neiwon yoh aiñ ki kawa ebor ya ki wow phah kylliang noh ya ki dkhot ka Executive Body khlem da e jubab chwa ya kiwa chong chnong ya ka yukheiñ cha ki paidbah ka chnong kamtæ ka chnong da pyrchah ki ya kani ka General Meeting ka chnong.