Ki waheh chnong ka Ri-Bhoi District hapoh ka satri ka Synjuk ki Rangbah Shnong ynnin da yachem ki ya u Deputy Commissioner wow pyrchah yei thmu wow pyndait Smart Meter ha ki thaw palatsor.
I yachem ya u Abhilash Baranwal, Deputy Commissioner, da yahkhmat da u BB Makdoh, u Chairman ka synjuk hei emlang kiwi ki waheh chnong.
U Makdoh da ong u wa ka Synjuk ym em kyrchaan ko yei thmu wow pyndait Smart Meter khlem pynap pynsñiaw ya ki paidbah.
Da ong u wa ka Synjuk da khyrngiat ko wow yoo wa sdang i pyndait ya kini ki Meter uwa ktah ya ki paidbah.
Heijooh i por da kylli u neiyi i daw wa jhan u pyndait Smart Meter hawa dang emkaam wow kylliang ya ki chrot wa da sih iwa booh hei maa ya ki paidbah.
U Makdoh da paan u leh i kyrchaan ki paidbah ka District wow pyrchah ya ini i thmu wow pyndait Smart Meter deiwa kyrpaad ya u Deputy Commissioner wow chimkhia yeini.
Discussion about this post