Jowai: Ka Jaiñtia National People Organization (JNPO) wa ka Protection of Biodiversity and Fishing Association (PB&FA), hajrong ka hukum wow kyrriah thaw kreh noh ya u Lab Technician ka Laskein CHC, West Jaiñtia Hills District u Lasting Suchiang da ka Director of Health (Mi) Shillong, Meghalaya ki ar seiñ da pyrchah joor ki yeini i thmu.
Neiliang ki heh ki ar seiñ wa kynthup ya u Andreas Suchiang, President JNPO wa u Pyndap Shadap, President ka PB&FA, da pyrchah ki yeini i thmu deiwa ong wa u Suchiang toh uwa em cha katai ka thaaiñ u wakreh hok ya ki kaam wei uwa jooh chimbynta ha ka imlang sahlang nadooh i yada rymaw wa kiwi kiwi ki kaam wa yatoh wa i bha i miat ka imlang sahlang.
Da ong leh wa u Suchiang ym jooh em u chah pynbaad u ha i kreh yong oo kam u Lab Technician ha katai ka thaw sumaar nadooh wa sdang kreh u.
Neiliang ki seiñ da kyntu ki ya ki bor wow pynsangeh noh ya kani ka hukum wa da phah da ka chnat neibhah kam ki seiñ kwah ki yei bha i miat ki paidbah wei ym du ki wa pyrchah yeini i kyrriah kreh tangwa wot ki paidbah leh pyrchah ki yeini i thmu.
Discussion about this post