Ki seiñbhalang waphær waphær napoh East Jaiñtia Hills District kiwa kynthup ya ka EJNC, JSM, JSU, KSU, FKJGP waka HNYF hadien wa da yoh ya ka khubor wa da em i thmu yong ka sorkar jylla wow kyrriah kaam noh ya u Deputy Commissioner DC yong ka East Jaiñtia Hills District, da pynman ki ya ka yalang wa jhan yow pyrkhat hajrong ini i thmu yong ka sorkar.
Kamtæ da chim da iwi i sur wow pyrchah ya itai i thmu yong ka sorkar jylla wow kyrriah kaam noh ya u DC ka EJHD, da ong leh wa ini i rukom kyrriah ya ki sahep sorkar khlem pu kut ka samoi krehkaam da pyntlot wei pynsahteiñ ya ki kaam pynroi hapoh ka District.
Da ong leh wa kam ki seiñbhalang napoh ka East Jaiñtia da sakhi wa i chakri yong u E. Kharmalki kam u DC da man ko i kyrkhu ya ka District neibhah wa uni u DC em u yei yatoh wa i yajan bha wa kiwa chong chnong yong ka District wei man u leh u bru uwa smat wow yarap ya kiwa chem yei eh yei chitom.
Hajrong ini da kyntu ya ka sorkar jylla wow pynsangeh noh ya ini i thmu yong ka wow kyrriah kaam noh ya u DC ka EJHD wei lada ka sorkar ka lai bait ko chakhmat neiliang yong ki seiñbhalang daw pynbna noh da ki yakhih.
