Kiwa mihkhmat ka 25 Sutnga-Nongkhlieh da pynsñiaw ki yei pyrchah yei thmu ka Delimitation Committee ka JHADC wow phiah wei wow kyrriah chnong na kawi ka Constituency cha kawi.
Neiliang ki waheh chnong ka 25-Sutnga-Nongkhlieh Constituency da phylla ki wow yoo katkam wa da tyrwa kattæ ki chnong wa da emlang waroh chi kattu da chah kyrriah wei da phiah ya ka Saipung-Nongkhlieh, Sumer, Sutnga-Narwan heiwa da em ki chnong kiwa na Rymbai-Khliehriat, Narpuh u psiah noh ki cha ka Suntga-Nongkhlieh.
Da e nong muna wa ki chnong kam ka Nongsning, Deinchynrum, Chiehruphi, Mynkre, Larseng, Umtyra, Umrasong, Nongrim Hills kiwa 50 Km na Sutnga-Nongkhlieh Constituency u kynthup lang ki ha ka jooh ka Constituency.
Ka Lamyrsiang leh u lai noh ko cha Sumer Constituency kawa jngai bha kawa ym em yatoh iyi neitæ ka Sakwa, Shnongrim, Lumbangla, Khaidong, Moolasngi, Lumthari, Shnongthymme, Daistong, Mutong, Bomkhosngi, Lumshyrngan wa Tangnub leh u psiah cha ka Saipung-Nongkhlieh Constituency.
Da ong leh wa la 60 snem ka Saipung Constituency da man ko kawa kyrpang neibynta ki Biate tangwa i thmu katni toh iwa daw ktah yeini waroh.
Kamtæ da ong wa lada ini i leh toh du wow pynthut wei wow phiah ya ka imlang sahlang daw pyrchah bait yeini ha ka Public Hearing kawa daw pynman ha ka 11 tarik ha Khliehriat.
Discussion about this post