Kiwa chong chnong ka thaaiñ Saipung da pynsñiaw ki yei pyrchah yei thmu ka Delimitation Committee wow phiah Constituency heiwa ki hi da yoh wei da em ki da ka yong ki hi ka Constituency nadooh u snem 1967.
Hawa klam hajrong ini da u MDC ka Saipung, u Arbor Hima Darnei, da ong u wa ynne da ki hajar ngut kiwa chong chnong da wan ki wow pynyoo yei pyrchah ha ka Public Hearing wa da pynman ha Khliehriat neibhah i pyrchah hi wa ymtoh kawa khlem yurim heiwa ki nadooh nachwa da dep li ood li naam ki cha ka sorkar wa cha u Lat wa emkaam ki kawi ka chuki MDC kam ki Biate neibhah wa phær ki na kiwa boon ha Jaiñtia Hills.
Wei kani da ong u toh kawa emkaam bha heiwa da yoh wow mihkhmat hapoh ka District Council yow ye u yada ya ka dustur riti wei ka District Council hi toh ka wow pait u yada ya kiwa khian wa nai wei iwa leh ka Delimitation Committee kattæ toh yow pynkhleh lang wei iwa sñiawsih.
Kamtæ da ong u wa lada lai chakhmat daw ktah bha ko ya ka imsuk imsaaiñ neibhah i ya awri awra jooh mih ko manda yaknieh ya kiwa mihkhmat wei da emkaam wow pynneh pynsah yei rukom man.
Da kdaw u leh wa ki chnong wa chah thap cha ka Saipung kam ka Shnongrim, ka Shnongthymme, ka Tangnub, Daistong wa kiwi leh da pyrchah ki wym em kwah ki wow wan psiah cha ka Constituency ka Saipung neibhah tip che ki wa kani ka Constituency yaphær ka dustur riti, yaphær ka ktien thylliej wei ki leh ym sñiawsuk ki.
Da klam skem u leh 100% na ki Saipung wa 100% ki wym toh na Saipung leh pyrchah ki yeini i thmu.
Da ong u wa iwa tieñ dooh toh ha kawi ka sngi daw dooh MDC ki Saipung manda pynkhleh kamni.
Neiliang u Sirdar ka Saipung leh da ong u wa dadep rai wym kwah ki yei pynkhleh ya ka Elaka Saipung deilang waka Elaka Nongkhlieh kamjooh wa kiwi kde wei kitu kiwa chah pynpsiah leh cha ka Saipung da pyrchah ki yeini heiwa da dep wow khut pynman da ka dorbar heiyatoh wa ini.
Kamtæ da kyntu u leh ya u Montri Rangbah wow pynneh kamwa jooh hi.
Discussion about this post