Pyrchah sa ka DE Sutnga yei thung Acting Dolloi ka EC ka JHADC

Jowai: Ka Dorbar Elaka Sutnga ha ka yalang kawa da pynman ha ka 2 tarik uni u bnai deiwi i sur da rai ki wym pdiang ki ya i thung Acting Dolloi ka JHADC khlem yakrehlang wa ka Elaka.

Katkam ka dustur riti yong ka elaka hawa u Dolloi ka Elaka ngat u hapoh ka suspension, u jied ya u Acting Dolloi dei yakrehlang ka elaka wa ka District Council deiwa jied ha khmat ki paidbah ka elaka. Ka Dorbar Elaka hajrong i pyrchah da kyntu leh ya ka EC ka JHADC wa toh u ya krehkaam ko chirup wa ka Elaka hawa jied ya u Acting Doloi hakhmat ki paidbah ka Elaka.

Ka Dorbar Elaka da rai ko leh wym chah ya ki khon ka elaka wow paan NOC, Land Holding Certificate kamjooh ya ki pata katwym pu pynbait ya i klumar hapyrdi ka elaka wa ka JHADC.

Sa chisien neiliang ka Dorbar Elaka kyrpad joor ko ya ka Executive Committee ka JHADC wow sñiawbha wow yakrehlang wa ka Dorbar Elaka neibynta ka mynried ka Elaka Sutnga.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025