Pyrchah sa ka DTPDS yei chah kyrriah kaam u Arunkumar Kembhavi

Jowai : Ka Darrang Tourism Promotion and Development Society (DTPDS) da pynsñiaw ko yei sñiawsih yong ka hajrong i chah kyrriah kaam u Deputy Commissioner ka West Jaiñtia Hills District.

Da ong ko wa lada kyruiñ cha i krehkaam uni u DC da man u uwa bniah bha wei smat u leh wow yarap ya ki paidbah khlem pait ya kiwa mahajon namo kiwa dooh wei suk leh u yachem wa oo hapoh ophis yong oo wei wow yaklam ya oo lyngba ki Social Media.

Ka seiñ leh da ong ko wa da yarap bha u ya kiwa na ka chnong Darrang yow pynku ya ki kaam Tourism heiwa da sdang ki bru u yoh kreh lyngba ki kaam uiñke sawari ha ka chnong yong ki.

Da dep pynman u leh ya ka yalang Convergence Meeting ha ka chnong Daarang heiwa da emlang leh kiwa boon ki heh sorkar yow pynman ya ka Darrang kam sa ka wi thaw uiñke sawari hapoh ka district.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Lyngba ki scheme waphær waphær wa da pynyoh u ya ka chnong da yoh wow sdang ya ki kaam uiñke sawari hapoh ka chnong Daarang ka wow wai paidbah ha u bnai wow wan.

Kamtæ ka seiñ da kyntu ko ya ka sorkar wow pyndam noh ya ka hukum ka sorkar wow kyrriah ya u DC neibhah dang boon ki kaam yong oo wa sdang u daw sah kut ki.

Kani toh katkam ka khubor wa pyllait da u Reachingson Khongwang, Chairman ka Darrang Tourism Promotion and Development Society.