Ka Hima Sutnga Youth Federation (HSYF) Joint VDP Elaka Sutnga wa kynthup ya ki chnong kiwa hap lai lyngba u sarok DSSMH Road na ki chnong Moopala, Sutnga, Mookympad, Tluh, Latyrke, Lamyrsiang, Jaraiñ wa ka yung krehkaam u Acting Dolloi Elaka Sutnga da pyrchah joor ki yei soi soskular u Damewanhi Rymbai wa ka Jowai Municipal Board wow noh ya i jhep na sor Jowai cha chnong Moolamylliang ha i thaw yong oo iwa em hapoh ka Elaka Sutnga.
Hajrong ini neiliang ka Hima Sutnga Youth Federation (HSYF) Joint VDP Elaka Sutnga wa ka yung krehkaam u Acting Dolloi Elaka Sutnga da rai ki wow pyrchah wei ym chah da kammon kammon leh ya ini i thmu neibhah kam ki khon ka Elaka dang yaleh ki wow thooh ki laad wow pynkhooid ya ki luti syngkieñ ka Elaka.
Da kylli leh wa kammon u wan noh yei jhep yong kiwa na baar ka Elaka?
Heijooh i por da maham wa lada ka Jowai Municipal Board leh ko dei bor, neiliang ka HSYF ym bahkhlieh ko lada mih iwon iwon.
